చెలి చూపు

చెక్కిలిపై గిలిగింతలు పెడుతున్న
కురులను సవరిస్తూ
అరమోడ్పు కనులతో చూసిన చూపు
నా హృదయాన్ని తాకింది.

గలగల మాట్లాడుతూ
చిరు కోపంతో చూసిన చూపు
నా చూపును కలవరపరిచింది.

నిన్నే గమనిస్తున్న
నా చూపుని చూసిన
నీ చూపుని చూసి
నా అదరాలపై చిరునవ్వు చిగురించింది.

చిరునవ్వు

నీ అదరాలపై మెరిసి

నను తన్మయత్వంలోకి

జార్చి మాయమైనధి.

నాలోని నిస్సహాయతను

తరిమికొట్టిన నీ

చిరునవ్వే చాలు

ఈ పయనానికి....

ఓ మనోహరి

" జీవితమనే ఈ గమనంలో దేవతలా
తారసపడి, తొలిచూపులోనే ఈ
హృదయమనే కోవెలలో కొలువుండి పోయి
నీ అందెల సవ్వడికి బానిస చేసితివి,
నీ చారెడు కళ్ళతో చూసి నా హృదయ
స్పందనను ఒక రాగంగా మార్చావు,
జూకాలతో మరింత అందాన్ని ఇనుమడింప
చేసుకున్న నీ చెక్కిలిపై దిష్టి చుక్కనై,
నీ కాలికి నే అందెనై ఓ మనోహరి!
నీ నాట్యానికి తాళమే నేనైన వేళ
ఈ ఊపిరి ఆగితే...... "